يا ترى كم واحد فينا سمع انو الكرش وجاهة؟ هل هو فعلا وجاهة ولا سقاعة و برادة وجه؟ وهل كمان بتلاحظو معاي انو لما يصير الواحد مسؤول كرشه بيكبر!! يعني انا عندي نظرية انو كل ما كان كرش المسؤول اكبر كل ما كان المسؤول ابن حرام اكثر!!
انا ما بنكر انو في ناس يا حرام مش بايدها الموظوع, يعني لما يكون في قدامو منسف ولا شوية مصاري سايبة يعني ما ياكل!!الله ما قالها!!
هذا في مرة واحد من ربع الكروش لما انسال عن الفساد و سرقة اموال الشعب قال: يا جماعة الخير, في حنفية مية مفتوحة و ما حدا قادر يسكرها, نترك المية تروح هدر, والله حرام , بعدين اذا انا ما عبيت ميه غيري رح يعبي!!
طيب, شو الحل يا جماعة الخير؟ مصاري البلد كلها قاعدة بتختفي, كل المساعدات ابصر وين بتروح؟ المسؤول ابنه مسؤول و الشحاد ابنه شحاد!! لمتى؟؟
